Durangoko eraikin publiko hutsen egoera salatu, eta herriko beharrizanetarako berritzea proposatu du EH Bilduk

Durangoko eraikin publiko hutsen egoera salatu, eta herriko beharrizanetarako berritzea proposatu du EH Bilduk
Ezkerretik hasita, Iker Urkiza, Marisol Juaristi, Ima Garrastatxu alkategaia eta Jon Bingen Landabidea, atzean eraikin baten irudia dutela.

EH Bilduko kideek zenbait eraikin publiko hutsen irudiak erakutsi dituzte prentsaren aurrean, udal gobernuaren "utzikeria" salatzeko. Correosen eraikin zaharra, Garai jauregia, ospitale zaharra, merkatu plaza eta Muruetako dorretxea barrutik ikusi ahal dira irudiotan, kasu askotan egoera txarrean. Horrez gainera, zabalik dagoen Ezkurdiko pilotalekuan teilatua konpontzeko beharra ere azaleratu dute. 

EH Bilduko kideek adierazi dute Durangon 160 elkarte inguru daudela, eta horietako askok espazio baten beharra aldarrikatu izan dutela. Adibidez, Garai jauregian dagoen Geu Bek eta ospitale zaharrean biltegia duen Kriskitinek beste lokal bat eskatua dute; Ima Garrastatxu alkategaia Kriskitineko kide da, eta eskaria egon dela baieztatu du. Eraikin horiek berriztapena behar dutela ondorioztatzen da bideoak ikusita. 

Hutsik dauden eraikin publikoentzako ideiak bota ditu EH Bilduk, berriztu eta gerorako funtzio lez. Correosen bulegoetan ludoteka edo gazteleku bat sortzea, Garai jauregian eragile anitzendako bilgunea, Muruetako dorretxea auzoko elkarteen elkargunea, ospitale zaharrean alokairu sozialeko etxeak... Iker Urkiza zinegotziaren esanetan, maiatzeko udal hauteskundeak irabaziz gero eraikin horiek konpondu eta berritzeko lan egingo du koalizioak.

 

 Hemen zabaldutako bideo bat: