EH Bilduren ustez, aldaketa "inoiz baino posibleagoa" da. "Aurrenekoz EH Bilduko alkategaia aukeratzeko primariak egin behar izateak erakusten du koalizioak eskaintzen duen proiektu politikoak inoiz baino atxikimendu handiagoa duela eta esperantza eta ilusioa sortzen duela".
Del Amo zinegotzia da 2013az geroztik. Telekomunikazioko ingeniaria eta soziologoa. Ikerketa Ereduak eta Arloak Gizarte Zientzietan Masterra dauka. Gizarte Komunikazioan doktorea, nazioarteko aipamenarekin eta doktoregoko sari bereziarekin. Ikerketa arloan dihardu EHUn, eta beste zenbait unibertsitatetan ikertzaile bisitari lez, Harvarden esate baterako.
Garrastatxu Informazioko Zientzietan lizentziatua da, eta administrazio publikoan lan egin du hainbat urtez. Gaur egun, karrerako funtzionarioa da Bizkaiko Foru Aldundian, Enplegua, Gizarte Inklusioa eta Berdintasun sailean. Langileen Batzordeko parte, Prebentzio eta Lan Osasuneko delegatua da. Durangoko Kriskitin Dantza Taldeko partaide urte luzez, eta SARE herritarreko kide ere.