Durangoko jaiak

'Boni' jaietako pregoilari izan zenekoa, orain 25 urte

'Boni' jaietako pregoilari izan zenekoa, orain 25 urte

Atzo hasi ziren Durangoko sanfaustoak eta hara nor topatu dugun orain 25 urteko txupinazoan: Bonifacia Macarrón, Boni lez ezaguna izan zen martxantera.

1993ko jaietan udalak berari eman zion pregoiaren ardura, urteetako lanaren errekonozimendu lez. Eraz aldizkariak argitaratu zuen argazki hori.

Bonik 70 urte inguru eman zituen gozokiak saltzen Andra Mariko elizpean, beti adeitsu. Horregatik, belaunaldi askok maitasunez gogoratzen ditu bera eta bere familiakoak. Amarengandik ikasi zuen ofizioa, eta bere ahizpekin konpartitu gero.

Boni eta martxanteren omenez, Andra Marian oroigarri bat ezartzea proposatu zuen iaz EH Bilduk, eta udalak oniritzia eman zion. Oraindik ez dute oroigarria jarri, baina, hala ere, herritarren memorian jarraitzen du Bonik.