“Jardun honi esker, egoera onean egongo den zola izango dugu, galtzada hau erabiltzen duten oinezko eta ibilgailuen segurtasuna bermatuko da”, adierazi du Aitziber Irigoras Durangoko alkateak.
Azken urteetan euriteek bide honetako asfaltoan arrailak handitu dituzte, eta ondorioz, drainatze urritasuna du. Lur jausiak saihesteko eta errepidearen aldeetako batetik igarotzen den ur zerbitzuaren funtzionamendua bermatzeko obra hau egingo duela azpimarratu du Durangoko Udalak.