Ikasketa kooperatiboen topaketa egin dute Durangon

Markel Onaindia 2018ko eka. 5a, 18:00

Berritzeguneek antolatuta, Bizkaia, Araba, Gipuzkoa eta Nafarroako 200 irakasle Durangon elkartu ziren barikuan, ikasketa kooperatiboen inguruan esperientziak trukatzeko. Durangoko Kurutziaga eta Maristak eta Berrizko Learreta-Markina ikastetxeek parte hartu zuten esposizioetan, esaterako. 

Ikasketa Kooperatiboen III. Topaketa egin zuten barikuan Durangoko Fray Juan Zumarraga institutuan. Durangoko Berritzeguneko Saioa Lopez ordezkariak azaldu dutenez, esperientziak trukatzea izan zen ekimenaren helburua. Hainbat ikastetxe daude murgilduta eredu kooperatiboan, eta formazioa jasotzea beharrezko ikusten dute.

Lopezen arabera, paradigma berriak ikasketa kooperatibora bultzatzen ditu ikastetxeak. Eredu Horri esker, bullying tasak bajatzen direla nabarmendu dute, besteak beste.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!