'Txiki' eta 'Ruso' gogoratu dituzte Durangoko hilerrian

Markel Onaindia 2018ko mai. 11a, 13:01

Gaur dira 40 urte ETAko kide ziren bi gazte durangarrak Gernikan hil zirenetik, Guardia Zibilaren tiroen eraginez. Hainbat herritarrek lore eskaintza egin dute euren hilobian, eta agurra eta bertsoak ere eskaini dizkiete.

Txiki eta Rusoren lagunek antolatu dute ekitaldia, eta gaur iluntzean ere elkarretaratzea egingo dute 20:00etan Andra Marian. Lagunen arabera Guardia Zibilaren segada baten ondorioz hil ziren biak.

Ekitaldian, eurei zuzendutako mezua irakurri dute; ETAren azken erabakiaz berba egin diete adibidez. Etorkizunera begira askatasunaren aldeko lanean jarraitzeko asmoa helarazi dute. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!