Jose Mari Arrazola Ania Txiki eta Alberto Garcia Marmol Ruso, 1978ko maiatzaren 11n Gernikan Guardia Zibilaren tiroen eraginez hil ziren ETAko -ETApm barruko kritikoak- gazte durangarrak ziren. Lagunen testigantzaren arabera, autoan zihoazela Guardia Zibilak gelditu eta tiroka hasi zitzaizkien. Gertakariek eragin handia eduki zuten Durangon; mobilizazio eta greba orokor jendetsuak egin ziren.
Gertakariez azalpenak emateko berbaldi bat egongo da gaur Plateruenean, 19:00etan. Barikuan, lore eskaintza egingo dute hilerrian, 12:00etan, eta elkarretaratzea, 20:00etan, Andra Marian.