Ia bizi erdia kartzelan pasatu du 34 urteko gazteak. Durangora arratsaldean iritsiko dela zabaldu dute senideek. 18:30ean harrera egingo zaio Intxaurre elkartean.
2001eko martxoan atxilotu zuen Ertzaintzak Larrea, lehenbizikoz. Ordutik, beste hainbat biderrez atxilotu zuten, eta 2002ko azarotik espetxean egon da, zenbait kale erasotan parte hartu izana egotzita. Urte hauetan zehar Alcala Meco, Los Rosales, Monterroso eta Castelloko espetxeetan egon da.