Itxaso Atutxa Bizkai Buru Batzarreko presidenteak, Aitziber Irigoras Durangoko alkateak eta Ander Gorrotxategi Uri Buru Batzarraren presidenteak deitutako prentsaurrekoan eman dute albistea. Aitziber Irigorasek azaldu duenez, Durangoko EAJren asanbladan hurrengo hauteskundeetara ez zela aurkeztuko aurreratu zuen, atzo. Eskerrak eman dizkie alderdikide guztiei, eta alkate izatea "ohore bat" dela esan du. Bereziki Juan Jose Ziarrusta eta Natxo Martinez izan ditu gogoan interbentzioko parte pertsonalenean.
Irigoras 2008az geroztik da Durangoko alkate. Juan Jose Ziarrusta hil zenean izendatu zuten alkate eta ondoren, bi legegintzalditan irabazi ditu hauteskundeak. Beraz, 10 urte daramatza alkatetzan eta 15 urte udal arduradun lez, aurretik zinegotzi izan baitzen.
Gorrotxategik eskerrak eman dizkio "konpromisoagatik eta ausardiagatik", eta Atutxak alderdi osoaren izenean egin du gauza bera.