"Kalera aterako gara euskarak behar dituen gutxieneko neurriak exijitzeko. Euskararentzat lege babes egokia eskatzen dugu, euskaraz bizi ahal izateko eta euskal herri euskalduna eraiki ahal izateko", esplikatu dute EHEkoek oharrean.
Besteak beste, instituzioek euskarari "status juridiko ofiziala, nazionala eta lehentasunezkoa" eman behar lioketela nabarmendu dute. Gainera, administrazioa osorik euskalduntzea, normalizaziorako hizkuntza-politika burujabea garatzea, eta euskara zehar-lerro lez jorratzea ere neurri lez ikusten dituzte.