Joan zen zapatuan emakume batek jasandako sexu erasoa gaitzesteko kontzentrazioa egingo dute gaur

Anboto 2017ko urr. 21a, 14:48

Joan zen zapatuan, San Fausto jaietan, emakume durangar batek jasandako sexu erasoaren berri eman du, Durangoko Udalak, gaur. Eraso hori gaitzesteko, Plataforma Feministak gaurko deitu duen kontzentrazioan parte hartzera deitu ditu udalak herritarrak. Andra Marian izango da kontzentrazioa, 20:00etan.

Sexu erasoaren gaitzespenagaz bat egin, eta 20:00etan, ordu laurdenez, musika kendu eta jaietan geldialdia egitera gonbidatu dituzte Durangoko tabernariak ere.

Udalak jakitera eman duenez, Ertzaintzak ikerketa abiatu du joan zen zapatuko erasoa argitzeko.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!