13:00etan elkartuko dira gazteak Andra Marian, lehenik eta behin trikipoteoa egiteko. Ostean bazkalduko dute, eta kamisetak banatuko dituzte. Antolatzaileek azaldu dutenez, maiatzaren 7an kamiseta horregaz bozkatzera joatera animatuko dituzte gazteak, eta une hori argazkian jasota, sare sozialetan zabaltzea ere bai. Bazkarirako txartelak -kamiseta barne- Intxaurren, Kale Kantoin eta Mesoi Berrian daude salgai 10 eurotan. Bihar, martitzena, da azken eguna erosteko.
Gure Esku Dagok deitutako galdeketan baietz bozkatuko dutela diote dinamikako kideek. "Euskal Estatua nahi eta behar dugulako, independentzia posible delako". Euren esanetan, hainbat dira hori ulertzeko arrazoiak. "Etxebizitza eskubidea praktikan jartzeko, euskararen zapalkuntza egoera gainditzeko, gure selekzioak ofizialak izan daitezen...".