Ate irekien jardunaldi baten bidez, Asepeyo Mutuak Durangoko bere azpiegitura eraberrituak aurkeztu ditu asteon. Ekitaldiak Durangaldeko Enpresen Elkarteko ordezkariak eta Aitziber Irigoras Durangoko alkatea batu ditu, besteak beste. 315 metro karratutan askotariko lan eta aldaketak burutu dituzte, irisgarritasunaren eta ergonomiaren ingurukoak, esaterako. “Ahalik kalitate altueneko” zerbitzua eskaintzea gura dute, Asepeyoko ordezkarien esanetan.
App berria enpresentzat
Enpresei bideratuta sortu duten mugikorretarako App berria ere aurkeztu du Asepeyok. Enpresei esklusiboki zuzendutako sektoreko lehenengo erraminta da. Mutualistarentzako garrantzitsua den informazio guztia kontrol-panel bakarrean eskaintzen du. Horrez gainera, Interfaze “erraz eta intuitibo” baten bidez askotariko gestioak berehala egiteko aukera ematen du, azaldu dutenez.