Dani Maeztuk (EHB) gobernu taldearen kudeaketa kritikatu du. "Lau urtetan ez duzue ezer egin. Oso zaila da ulertzen herritarrei OHZ eskatzea, eta gero gehien duenari ez kobratzea”. Jorge Varelak (HE) ere herritarren aldea hartu du ahotan. "Lur horiengatik kobratu barik jarraituz gero, durangarrek ordainduko dute". Espazioaren eraberritzea geratuta egotea ere kritikatu du.
Katastroari abisua
PPk mozio alternatibo bat aurkeztu du EAJ eta PSE-EEgaz adostuta, eta horixe atera da aurrera. Testuan diotenez, Jaurlaritzak egin beharko luke lurren aldaketa juridikoa, eta baita partzelazio berria ere. Hori egitean, katastroari abisua emango diote baldintza berriak kontuan hartzeko. Hala ere, ohartarazi dute espazio osoa ez dela egongo OHZren eraginpean, "trenbide-erabilera izaten jarraituko dutelako lurperatutako trenbidearen gainean dagoen lurrak, segurtasunerako tarteak eta tren geltoki osoak, eta parke publikora bideratutako lursailen (50.000 m2) titularra ere udala delako".
Ordea, Maezturen iritziz ETSk ordaindu egin beharko luke, 2012an trena lurperatzeaz geroztik lurzoru hori urbanizagarri bihurtu delako, 2006an onartutako planaren arabera.
