Kutxa Ekoguneak, Azkue fundazioak eta Euskaltzaleen Topaguneak antolatu dute lehiaketa elkarlanean, euskararen presentzia zabaltzeko asmoz. Hizkuntzaren praktika ekologikoak izan da lehiarako gaia, eta partaideek sei proba egin behar izan dituzte, tartean, bideoak landu ere bai. Finalean, lau izango dira osatu beharreko probak, eta irabazleak 3.000 euroko saria jasoko du.
Itzartuko kideek, irabaziz gero, gazteentzako aisialdi ekintzak antolatzeko erabiliko dute saria. Autobusean irteera prestatu dute zapaturako.