EH Bilduren izenean egin dute ekintza bart gauez. Euren ustez, Durangon hainbat "desira-bide" daude; hau da, zebra-biderik egon ez arren, jendeak naturalki errepidea gurutzatzen duen guneak. Zebra-bide horiek sortzeko udalean eskaerak egiteaz nekatuta daudela-eta, iniziatiba hartu dute EH Bilduko kideek. Mugikortasunaren inguruko azterketa orokor bat behar dela uste dute, oinezkoen harrapaketa gehiago egon ez dadin.
Sasikoan, tren geltokirako pasabidea dagoen lekuan margotu dute zebra-bide bat, eta Landakon, Botxo kafetegiaren parean bestea. Madalenako geltokian pankarta bat ere ipini dute, aldarrikapenagaz.
Horrez gainera, euren ustez, zebra-bideak margotuta zera erakutsi dute, "ez dela obra edo gastu ekonomiko handirik behar horren soila baina aldi berean horren garrantzitsua den gauza bat egiteko".