Aritz Bravok (EH Bildu) adierazi du autobus linea horren erabiltzaileek kexak aurkeztu izan dituztela, eta errefortzu gehiagoren beharra ere bai. "Garraio publikoa sustatu barik, kontrakoa egiten gabiltza", esan du linearen zerbitzuari begira. Herriaren Eskubideak bat egin du eskaeragaz; Julia Pereraren ustez, "herritarrek ordaintzen dituzte zerbitzu publikoen pribatizazioa eta beste hainbat gai".
EAJ eta PSE-EE ez dira agertu ados mozioko puntu guztiekin, eta horregatik, puntuka bozkatzea eskatu du Goiztidi Diazek (EAJ). Ríosen iritziz, "zerbitzua ez da txarra". Bere arabera, bigarren autobusak soilik izaten ditu arazoak, baina ez beti. Fran Garateren ikuspegitik, (PP) gauza argia da errefortzuak behar direla, baina Aldundiak araua betetzen duela ohartarazi du.