"Bidezko gizarte bat eraikitzea da gure erronka. Pertsonak ardatz izango dituen gizarte bat, denok duintasunez bizitzeko gai izango garen gizartea". Mezu hori zabaldu dute gaur Durangoko Ezkurdi plazan egindako protesta ekimenean. Partaideak kareta bategaz egon dira, hori baita kanpainako sinboloa; pankartaren aurrean, lagun bik etxebakoen egoera islatu dute, kalean lo egiten.
Eskakizun zehatzak egin dituzte irakurketan: inork ez dezala kalean lo egin, inor ez dadila luzaroan egon larrialdiko ostatu baten, inork ez dezala aterpe bat utzi ordezko ostatu bat eduki barik, eta gazte bat ere ez dadila etxe barik geratu.