Durangoko Udaltzaingoak prentsa oharrean azaldu duenez, herritarren laguntza eskatzen du, gaur, azaroak 23, goizeko 7:30ean, Fray Juan Zumarraga 13 inguruan gertatutako istripu baten harira. Auto batek, 80 urteko gizonezko bat harrapatu du eta istripua gertatu eta gero alde egin du gidariak oinezkoari laguntza ukatuz. Biktima, Galdakaoko Ospitalera eraman dute zauri larriekin.
Beraz, istripu honen nondik norakoak argitzeko helburuarekin, Durangoko Udaltzaingoak herritarren laguntza eskatu du. Informazioa duenak 94 603 00 10 telefonora deitzeko eskatu dute.