Gaur, barikua, dantza ikuskizuna eskainiko dute lehenik, 19:00etatik aurrera. 20:00etan, Sugarri fanfarreagaz poteoa egingo dute, eta gauerako Oihan Vega musika-jartzailea programatu dute.
Bihar izango da egunik handienetakoa. Sardinada 13:00etarako prestatuko dute, eta 15:00etan paellak aurkeztuko dituzte. Arratsaldean, igel eta karta lehiaketen txanda izango da; jai giroak gauez jarraituko du.
Zunba solidarioa
Domekan udal bandak kontzertua eskainiko du, 13:00etan, eta handik ordu erdira tortilla txapelketari ekingo diote. 17:00etan Angelman sindromedunen aldeko zunba solidarioan parte hartuko dute.