Edozelan ere, Aitziber Irigoras alkateak uste du "arrakasta eduki eta behin-betiko ixteko bokazioa" duela proiektuak. Eskola Agenda 21eko ikasleek proposatutako neurria da. Hain zuzen ere, kalean bertan dagoen Jesuitak ikastetxekoek. Aitor Larruzea teknikariak esan du goizeko orduetan 5.000 oinezko pasatzen direla kale horretatik, eta 3.000 auto egun osoan.
Udalak auzokideekin eta merkatariekin berba egin du, eta "harrera oso ona" izan dela azaldu du alkateak. Kalean, gerora kentzeko moduko aulkiak eta jardinerak ipiniko dituzte, 14.000 euro inbertituta. Autoz Kurutziagara joan gura dutenak, Arandoño Torretik sartu ahal dira.
