Askotariko ekintzak iragarri dituzte antolatzaileek. Esate baterako, zapatuan Andaluziako jantzien lehiaketa egingo dute, 17:00etan. 18:00etan dantza erakustaldia egongo da, eta 20:30etik aurrera afaria eta jaia.
Domekan, 11:30ean, Rocío estiloko meza egingo dute abesbatza eta guzti. Mezaren ostean, zentro kulturaleko kideek kultur erakustaldia emango dute. Jaialdiak 20:30ak arte jarraituko du, Landako Gunean.
Cristina Luengo zentro kulturaleko kideak azaldu du bederatzigarren aldiz antolatu dutela feria. Bizkaian, andaluziarren hamahiru zentro daude, eta bere esanetan, zortzi inguruk ospatzen dute feria.
Durangoko Udalaren eta Andaluziako Juntaren laguntza daukate asteburuko ekitaldiak antolatzeko.