Kontu-hartzaile, diruzain eta idazkariorde lanpostuak hornitzeari buruz, udaletxean aurkeztu behar zuen mozio baten inguruko testuan, EH Bilduk kontu-hartzailearen "ahalmena eta prestakuntza" zalantzan jarri zituela kritikatu dute EAJk eta PSE-EEk: "Postu horretan dagoen pertsonaren profesionaltasuna zalantzan ipini zuten".
Durangoko Udaleko Zentroarteko Batzordeak, bertan ordezkaritza duten ELA, LAB eta ERNE sindikatuen aldeko botoekin, "Durangoko Udalean ordezkaritza duten alderdi politiko guztiei idatzi bat bidali" diela azaldu du gobernu taldeak. Besteak beste, "zinegotzi edo ordezkari politikoek euren adierazpenetan ez ditzatela langileak kaltetu" eskatzen da idatzi horretan.
"Foro desberdinetan barkamen testu bat argitaratu dezan exijitu" diote EAJ eta PSEren ordezkariek EH Bilduri, eta "hurrengo mahai politiko-sindikalean publiko egin" dezala.
Durangoko gobernu taldearen agerraldiaren audioa.