Euskararen alde egotetik, euskararen alde egitera pasatzeko deia zabaldu du EHEk, eta norabide horretan, hizkuntza aktibismoari buruzko tailerra antolatu dute, Durangon. “Bada garaia, jarreretan soilik zentratu baino, jokabide aldaketetan zentratzen hasteko”, esan dute.
Baliabideak
Tailerraren bidez, hainbat baliabide eskainiko dizkiete euskaraz bizi nahi eta ahalegina egiten dutenei, "hizkuntza praktika sumisoak" gainditzeko helburuz. Beraz, erdaldunekin edo euskara ez darabiltenekin egotean, euskara menpeko ez bihurtzeko tresnak dira. Gainera, baliabide horiek era kolektiboan lantzeko aukerak ere aztertuko dituzte. Gemma Sangines psikologoak gidatuko du saioa.