17 urte daramatza Ibañezek afizioagaz. Duela hiru urte konturatu zen beste batzuei laguntzeko ere baliatu zitekeela. Horrela, sarreran kutxa bat eta diruaren helmuga azaltzen zuen kartel bat ipini zituen. Orduko hartan, DYAri eman zion, eta azken urte bietan, minbiziaren aurka lan egiten duen taldeari. Esker onez berba egin du elkarte horretako kide den Montse Llorentek: “Oso garrantzitsua da guretzat”.
Bestalde, Jesuitak ikastetxeko gazteek diru bilketa egiten lagundu diete, eta horientzat ere esker mezuak izan ditu Llorentek. Lanean segiko dute: “Durangarrek beti ondo erantzuten dute. Jakin dezatela, hemen gaudela behar denerako”.