Lourdesko Ama ikastetxean Gabonetako elkartasun kanpaina garatuko dute abenduaren 28tik urtarrilaren 5era bitartean. Elorrioko Elikagaien Bankurako janari bilketa egingo dute alde batetik, eta bestetik, jostailuak, eskola materiala eta higienerako produktuak ere batuko dituzte.
Kanpainaren bultzatzaileak goizeko 10:00etatik 13:00era eta 17:00etatik 20:00etara egongo dira ikastetxean astegunetan; zapatuetan goizez bakarrik, eta jai egunetan ez dira egongo. Eskolaz gain, Sagastizabal dendan eta Urizar harategian ere utzi ahalko dira jateko produktuak.