Gazteen iritziz, udalak "soluzio erreal bat" eman beharko lioke arazoari. Sinadura bilketa bat hasi dute, eta hiru eskaera zehatz mahai gaineratu dituzte: Durangoko 1576 etxe hutsei alokairu sozialerako irtenbidea ematea, alokairuaren prezioa eskatzailearen baldintza ekonomikoen araberakoa izatea eta gutxieneko diru-sarrera ez izatea baldintza bat.
Gaur egun, emantzipazio adina 30 urtera atzeratu dela salatu dute, etxea erosteko dirurik ez edukitzearren eta alokairuen prezioak "altuegiak" izatearren.