Batxilergoko ikasleak, euskaltegietakoak, berbalagunak eta herritar guztiak daude gonbidatuta mintzodromoan parte hartzera.
Izena eman gura duenak aukera izango du Durangaldeko AEKren euskaltegietan, Durangoko Udal Euskaltegian, Hizkuntza Eskolan, Plateruenean edo Berbaron. Berbalaguneko antolatzaileek ikasturte hasieran azaldu zutenez, aurten, Durangokoaz gain beste herrietan ere egingo dituzte Mintzodromoak.