Baserrien historiaz ariko da Alberto Santana, Gerediagaren berbaldi zikloan

Anboto 2015ko urr. 27a, 13:00
Deskargatu Info Ahotsak :

Alberto Santana, ETBko 'Baskoniako historia bat' programan (Argazkia: ETB)

Alberto Santana historialariak emango du Gerediagaren 50. urtemugaren harira antolatutako berbaldi zikloaren azken saioa. Eguaztenean izango da, hilaren 28an, Durangoko Arte eta Historia museoan. Aitaren Etxea. Baserria Euskal Herriko historiaren oinarrizko iturria izenburupean jardungo du Santanak.


UNED unibertsitateko irakaslea da Santana, eta, gaur egun, telebistan ere agertzen da. Izan ere, ETBko Baskoniako historia bat programa aurkezten du.

Mapak eta argazkiak
Berbaldiez aparte, erakusketa bi antolatu ditu Gerediagak museoan. Alde batetik, Durangaldeko kartografia aztertzen duena dago, eta bestetik, eskualdeko 333 argazki zahar batzen dituena. Urria amaitu arte egongo dira ikusgai.

Herririk herri Durango
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!