Guztira, alderdiko 20 bat kargudunek eman diote babesa adierazpenari, eta manifestazioa konponbidearen aldeko urrats bezala ikusten dute: “Otegi askatu-Free Otegi –Libertad para Otegi” plataformaren deialdia, nazioarte mailako eta euskal mailako ospe handiko pertsonez osatua, ekimen positiboa dela ulertzen dugu".
Azaldu dutenez, eurek ere ez dute Otegi "heroi" bat bezala hartu nahi, baina ezker abertzaleko zuzendaria "bake-prozesua sendotzeko aktibo bat" dela uste dute. Gainera, bakerako "aukera historikoa" bizi dugula esan dute. Bestalde, Otegiren kasuan eskubide urraketa ematen dela diote: "Injustizia baten aurkako eta giza eskubideen urraketa baten kontrako manifestazioa babestu nahi dugu".