Eusko Jaurlaritzak 6.000 euroko isuna ipini dio udalari Enplegu Planean “kontratazio ilegala” egiteagatik, eta proiektu hori Riosek sustatu zuenez, EH Bilduk uste du sozialistak ezin duela ardura horretan segitu. Riosek adierazi zuen EH Bilduk eta ELA sindikatuak “gauza larriak” esan dituztela berari buruz, eta bere alderdia epaitegietara joatea aztertzen dabilela. Gainera, sententzia ez dela irmoa gogoratu zuen.
EH Bilduren ekimenez, aho batez erabaki zuten etorkizuneko planetan udal hitzarmena betetzea. Ostera, EAJ, PSE-EE eta PPk 2016an Lan Publikoko deialdia egitea baztertu zuten.