Umorez hartu dute gaia Durangoko EH Bilduko zinegotziek. Guardia Zibilaren eguna da urriaren 12a, Hispanitate Eguna izateaz gainera. Durangoko Guardia Zibilek eguna ospatuko dute, eta herriko alkatea eta udalbatza ere gonbidatu dituzte. 12:00etan meza egongo da, eta ostean "ardo espainiar" kopa bategaz brindisa egingo dute.
EH Bildukoak harrituta agertu dira, eta argazki bategaz ilustratu dute sentsazioa. Dani Maeztuk baztertu egin du eskaera, eta Durangoko Udalak 2012an hartutako erabaki bat gogoratu die poliziei: Guardia Zibila Durangotik joatea eta kuartela herriarentzako izatea eskatu zuen udalak, EAJ, Bildu eta Aralarren botoekin.