Eguaztenean, 12:00etan, udaletxean burutuko den ekitaldiagaz hasiko da egitaraua. Bertan, sari bi emango dituzte: Bizikletarte lehiaketa artistikoarenena, eta Mugikortasun Eredugarriaren Sustapenaren saria. Azken sari hori Duranguesa txirrindulari taldeak jasoko duela aurreratu zuen Ocejak.
Juan Zubiaurre ibili da egitaraua antolatzen, eta, besteak beste, irailaren 19an, 11:30ean hasiko den bizikleta martxa herrikoia aipatu zuen. Egun berean, bigarren eskuko bizikleten azoka egongo da, Ezkurdin.
Bestalde, ikasleekin kontzientziazio saioak garatuko dituzte.
