Batzarra 19:00etan hasiko da, eta norbanakoez aparte, interesa duten elkarteak ere gonbidatu dituzte. Urriaren 3an martxako karabana Gasteiztik etorriko da Durangora, eta harrera zelan antolatu izango da eztabaidarako gaia. Martxari begira, Bilgune Feministako eta Andereak elkarteko kideak uda aurretik dabiltza elkarlanean, eta Tabiran ereite sinboliko bat egin zuten, elikadura burujabetza delako martxako aldarrikapenetako bat.
Emakumeen Mundu Martxa martxoaren 6an irten zen Kurdistanen, “Gure gorputzak, gure lurraldeak, Martxan jarraituko dugu harik eta libre izan arte” lemapean. Euskal Herrian irailaren 28tik urriaren 4ra bitartean ibiliko da karabana.