Eguraldia lagun, ehundaka lagunek hartu dute parte gaur eguerdian Durangoko Euskal Ezteguan. Kalejiragaz Durangoko kaleak zeharkatu eta gero, Santa Anan egin dute ezkontza. Kriskitin taldeak Aintzinako Erako Eztegua 1995. urtean antolatu zuen lehen aldiz eta harrezkero 5 urterik behin ekin diote ospakizunari.
Aurtengoan ezkongaien papera Jone Alberdik eta Unai Lizarraldek egin dute. Aitabitxi-amabitxiak berriz, Josune Aranguren, Josu Otxotorena, Txaro Otzerinjauregi eta Jose Ramon Lasarguren izan dira. Amerikatako izeko-osabak, Tomasi Isasi eta Jesus Fierro. Notario lanak Pedro Andreuk egin ditu.