Testigua jasotzerakoan Kepa Zengotitabengoa Ibaizabal Ikastolako presidenteak azaldu zuenez, "pozez hartzen dugu lekuko hau eta ziur gaude aukera hau aprobetxatuko dugula, eta gure ikastola proiektuaren mezua bazter guztietatik zabalduko dugula. Harro ibiliko gara auzoz auzo, herriz herri gure hezkuntza proiektu nazionala zabaltzen".
Ibilaldia antolatzeak zer lan dakarren ondo dakite Durangon. Izan ere, Ibilaldia Durangon antolatzen duten laugarren aldia izango da hau. 1980an, 1992an eta 2005ean ere Durangon antolatu zuten Bizkaiko ikastolen jaia. "Ondo dakigu Ibilaldi baten antolaketak zer suposatzen duen. Oraindik oso fresko daukagu aurreko esperientzia. Urtebeteko lan ikaragarria izango da, auzolana, konpromisoa. Hauek ere, ikastolen mugimenduaren ezaugarriak dira". Era berean, Ibilaldiak Ibaizabal eta Kurutziaga ikastoletan "ilusioa piztu" du Zengotitabengoaren berbetan, eta 2016ko maiatzaren 29an Durangora etortzeko gonbita luzatu zu.