Ertzainek atzo 23:00 inguruan dei bat jaso zuten Durangoko Montevideo kalean pertsona biren arteko borroka baten berri emanez. Prentsa ohar batean zehazten dutenez, bertaratu zirenean, pertsona bat lurrean eta konorte barik aurkitu zuten, eta beste bat bera zaintzen. Lekuko batek adierazi zienez pertsona batek emandako kolpeen ondorioa zen. Ustezko erasotzailea, 35 urteko gizonezkoa, bertan zegoen une horretan eta ertzainek atxilotu egin zuten. Atxilotuak aurrekari polizialak ditu. Erasoa jaso zuen pertsona ospitalera eraman zuten.