Auzotarren kezka iturri dira aspalditik gai horiek: “Inkestagaz erakutsi gura dugu bizilagunek babesten gaituztela”. Apirilaren 7a baino lehen entregatu behar dira orriak elkarteak Pinondo Etxean duen buzoian, edo Trapuzahar, Txoko Gozo eta Alberto Ileapaindegia komertzioetan. Inkestaren emaitzak psikologo bigaz aztertuko dituzte, eta horren ostean jakinaraziko dituzte zeintzuk diren.
DAZeko Jose Mari Arrillagak gogor kritikatu du udala, harreman faltagatik, eta, gai horrekiko kezkatik abiatuta, ararteko bat ipintzeko ideia proposatu dute inkestan. Irigorasen arabera, hauteskunde ostean tratu ona eduki gura dute udalagaz: “Ahal den heinean, udal gobernua berbera izan zein ez, aro berri bat hasi gura dugu”.