Zapatu gauean izan zen erasoa. Ertzaintzak azaldu duenez, arpegian kolpatu zuen gizonak bere bikotea, eta osasun arreta hartu zuen ospitalera joan beharrik izan barik. Ertzaintzako prentsa bulegotik azaldu dutenez, bikotekideak ez du salatu gura izan, baina kalean izandako gertakariak izanda, atestatua egin dute eta 39 urteko ustezko erasotzailea asteon epaitegitik pasatuko da.
Udalak ere bat egin du mugimendu feministak deitutako mobilizazioagaz, eta bertara joatera animatu ditu herritarrak.