Hondakinak kudeatzeko hainbat instalazio ezagutzeko bisita izango da urtarrilaren 20koa. Durangoko Agenda 21eko herritarrren foroetan sortu zen instalazioak ezagutzeko gogoa, eta horregatik antolatu dute bisita.
Goiz osoko kontua izango da: Autobusa Elkartegi aurretik irtengo da 09:00etan eta bazkal ordurako bueltatuko dira. Berrizen hondakin organikoei egiten zaien tratamendua ikusiko dute konposta egiteko instalazioan. Zornotzan Bizkaiko Zabor Berziklategiko instalakuntzak daude, eta ontzien banaketa eta sailkapena egiten dute bertan. Traperos de Emaus elkartearen Berziklatu egitasmoa ere ezagutuko dute azkenik. Ortuellan dago instalazioa eta tamaina handiko hondakinekin egiten dute lan.
Izena emateko prospe01@prospektiker.es helbidera idatzi behar da urtarrilaren 15a baino lehen.