Durangoko Udalak izotz pistaren balorazioa egin du prentsa ohar bidez. Erabiltzaile gazteak nagusitu direla nabarmendu dute: 4.823 neska-mutiko ibili dira, eta helduak, berriz, 1.646 kontatu dituzte. Hamargarren urtea izan du izotz pistak. Ander Gorrotxategi gazteria eta kirol zinegotziak azaldu duenez, "Gaur egun Durangoko izotz pista inguruko herrientzat eta Bizkaiarentzat erreferentzia puntuko aisialdi jarduera bihurtu da.
Iaz baino 548 bisita gehiago izan ditu Durangoko izotz pistak
Guztira 6.469 erabiltzaile izan ditu Durangoko izotz pistak. Iaz baino handixeagoa izan da aurten, 900 metro koadrokoa. Norbanakoak ibiltzeaz gainera, 23 elkarte ere animatu dira patinatzera. Ikastaroetan 24 talde osatu dituzte, eta 566 ume eta 10 helduk parte hartu dute.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!