Gabonetako erosketetarako bonu berezia aterako dute

Anboto 2014ko abe. 10a, 10:15

Durango bonua martxan egongo da barikutik aurrera. 2014ko urtarrilean merkealdirako bonuak lez, aurtengo Gabon bueltako erosketetarako ere bonu bereziak ateratzea erabaki du udalak.

2.000 bonu ipini dituzte Kutxabanken eskuragarri, urtarrilaren 5era arte. Herritarrek hamar euroko laguntza jasoko dute, bost euro ordainduta hamabost balio duen bonua hartuko dutelako. Aitziber Irigoras alkatearen arabera, merkataritza txikia eta herritarrak laguntzea da helburua. Kontu korronte bakoitzeko bonu bakarra eskuratu ahalko dela, eta erosketa hamabost eurotik gorakoa izan beharko dela ere azaldu du.

Dendak Bai merkatarien elkartea ere ekimenaren parte da. Guillermo Oarbeaskoa ordezkariak esan du urtarrilean 80 bat dendak parte hartu zutela, eta bonuak agortu zirela.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!