Azaroaren 18an egin zuten ziurtagiriak emateko ekitaldia, Donostian. Besteak beste, Iñigo Urkullu lehendakariak, Cristina Uriarte sailburuak eta Patxi Baztarrika Hizkuntza Politikarako sailburuordeak parte hartu zuten. Kepa Zengotitabengoa ikastolako presidenteak jaso zuen oroigarria. Guztira, 39 enpresa eta erakunderi adierazi zieten esker ona. 138 lagun ibili dira ziurtagiriaren ebaluazioa egiten, eta euretako bat Ibaizabalekoa izan da.
Ikasleen azoka
Ibaizabal beste gai bategatik ere bada albiste. Haur Hezkuntzako goi-mailako zikloko ikasleek bigarren eskukoen azoka antolatu dute domeka honetarako, hilaren 30erako. Merkatu plazan izango da, 09:00etatik 15:30era, eta arropak, bitxiak eta dekoraziorako gaiak salduko dituzte. Etekina ikasbidaia finantzatzen laguntzeko erabiliko dute.