Durangoko ikasleak, euskaraz berba eta berba Mintzodromoan

Goizean 150 lagun baino gehiago batu dira Plateruenean, Durangaldeko Berbalagunek antolatutako Mintzodromoan. Ikasleei egindako deialdia izan da, eta Kurutziaga, Ibaizabal, San Antonio-Santa Rita, Jesuitak eta Institutuko ikasleek parte hartu dute. Taldetan banatuta, kafe baten bueltan euskaraz berba egiteko aitzakia izan da goizeko zita. Arratsaldean 18:00etan beste txanda bat egongo da, eta parte hartzeko aukera zabalik dago.