ANBOTOren galderei erantzunda, udalak baimena eman duela baieztatu du. Dendak Bai elkarteak egin zuen karkabak biltegi moduan erabiltzeko eskaera, otsailean. Merkatariek diotenez, taberna batzuei jaien bueltan edukitzen duten jenero guztia ez zaie biltegietan sartzen. Eskaeraren harira, Hirigintza Batzordeak batzar bi egin zituen udalean, eta onartzea erabaki zuten: “Gehiengoa alde agertu zen, eta ez zen kontrako botorik egon”, adierazi dute udal ordezkariek. Baimena ematerakoan baldintzak ipini zizkieten: “Erabilera egokia egitea eta ordutegi zehatzetan erabiltzea, auzokoei eragozpenik ez sortzeko”.
DAZeko presidente Jose Mari Arrillagak adierazi du legea aldatu gura badute, osoko bilkuran alda dezatela: “Gauza bat edo bestea da: legea bete edo ez”.