Prentsa oharraren hainbat galdera eta kezka plazaratu ditu DAZek, batez ere udalari begira. Adibidez, jarduera horrek araudia betetzen ote duen. Izan ere, udal ordenantzak karkabetan oztopoak egotea galarazten du. Baimenik eman bada, zergatik eta zer baldintzatan eman den jakin gura dute. "Ba al dago karkabak erabiltzeko baimena ematen duen erabaki politikoa bermatzen duen informe teknikorik?", galdetu dute. Larrialdi egoeren aurrean sortu ahal den arriskuaz ere ohartarazi dute: "Karkabak erabiltzeak ekar litzakeen ondorioen erantzukizuna nork hartuko luke, zein departamentuk?".
Bestalde, publiko eta pribatuaren arteko eztabaida dago. Karkabak lur publikoak dira, eta horregatik, baimena "komertzio pribatuen mesedetan" ematen dela kritikatu dute.