Jaurlaritzako Hezkuntza sailak iragarritako murrizketen kontra mozioa aurkeztu du Durangoko PSE-EEk. Helduen Hezkuntzako ikastetxeeii dagokienez, hainbat aldaketa egongo direla kritikatu dute sozialistek, tartean, langileen % 35 txikitzea. "Horrek formazio eskaintzea gutxitzea dakar". Azaldu dutenez, baliabide ekonomiko gutxiago egongo dira, eta horrek irakasle gutxiago eta orain baino materia gutxiago egotea ekarriko luke.
"Murrizketa hauek etorkinei eragingo die gehien, hizkuntza bereganatzeko aukera gutxituko zaielako, eta hizkuntza gizartean integratzeko ezinbestekoa da. Arinago formazioa jasotzeko aukera izan ez duten pertsona askori ere eragingo die, lan mundura sartzeko aukerak gehiago zailduz". Durangoko Helduen Heziketa Zentroari dagokionez, "ehundaka herritar geratu daitezke formazio aukera barik", Pilar Riosen berbetan.