Merkatarien elkartekoek esan dute kasu batzuk badaudela, baina ezin dela orokortu. "Ezarritako mugak gainditzen dituzten Alde Zaharreko terrazak bi baino ez dira eta Dendak Bai elkartetik kanpo daude". Elkarteko tabernek araudia zorrotz betetzen dutela azaldu dute.
Bestalde, terraza bat handitzeagatik Andra Mariko iturria metro batzuk mugitzeak ere kritikak izan ditu. Baina Dendak Bai-k nabarmendu du terrazen legeak baimentzen duela, eta uste du onerako dela: "Araututa dagoen aukera bat da, ideia ona dena eta enpresariak ordaintzen duena".
Erantzun hauekin gutun bat bidaliko diete DAZekoei, eta elkarlanean aritzeko prestutasuna erakutsiko dietela gaineratu dute.