Ertzaintzak duela aste batzuk hasi zuen operazioa. Prentsa ohar bidez azaldu dutenez, lapurretak egiten zituen talde mugikor baten presentzia igarri zuten Bizkaian. Pertsona horiek jarraitu, eta Durangon harrapatu zituzten hiru martitzenean. Antza denez, hainbat bitxi zeramatzaten gainean hiru gazteek, eta dirua ere bai. Ateak indarrez zabaltzeko tresneria ere bazeukatela esan du Ertzaintzak. San Roke kaleko etxe batean lapurtu zituztela egiaztatu ahal izan zuten horren ostean. Etxe horretako atea indarrez zabaldu zuten, eta beste baten sartzen ere ahalegindu ziren, baina ez zuten lortu.
Ertzaintzak azaldu du talde honek etxeak zaintzen zituela aurretiaz, eta gero barruan jenderik ez zegoenean egiten zutela ekintza. Prentsa oharrean adierazi dute atxilotuak Georgiakoak direla. Atzo deklaratu zuten epailearen aurrean, eta hiru kartzelaratu zituen. Beste biak libre baina karguekin utzi zituen.