Bart, 03:00etan, San Faustoko bizilagun batek ertzainei deitu die, lagun bi lonja bateko pertsiana bortxatzen zebiltzala abisatuz. Ertzainak bertaratu direnean, pertsiana bortxatuta zegoela ikusi dute eta atea ere palankekin behartuta zegoela. Ondoren, gizonezko bat lonjaren ondoan dauden zuhaixka batzuen ostetik irteten ikusi dute. Gizonezko horrek ihesari eman dio ertzainak ikusi dituenean. Ertzain batek harrapatu egin du eta susmagarriak ertzaina kolpatu egin du, Ertzaintzak argitaratutako prentsa oharrak jasotzen duenez. Zuhaixken ondoan zintzel eta linterna bana aurkitu dituzte eta 23 urteko gizonezkoa atxilotu egin dute. Handik zati batera, lapurretan ustez inplikatuta egon den beste laguna Iurretan atxilotu dute.